Австрали Улсын Сидней хотод пара байт харвааны дэлхийн чансаа олгох гран при тэмцээн дөрөвдүгээр сарын 1-8-ны өдрүүдэд болов. Энэ тэмцээнд манай улсаас Үндэсний шигшээ багийн дасгалжуулагч Баатаржавын Золбоогийн удирдлага дор дөрвөн тамирчин өрсөлдсөн байна. Эмэгтэйчүүдийн ганцаарчилсан төрөлд Б.Оюун-Эрдэнэ алтан медаль хүртжээ.

           Тэрбээр өнгөрсөн жил паралимпын наадамд оролцох эрхээ авсан. Пара байт харвааны “Парис-2024” паралимпын наадмын эрх олгох тэмцээн үүгээр өндөрлөж байгаа бөгөөд Монгол Улсаас ДАШТ-ий багийн хүрэл, Азийн аваргын хүрэл медальт Д.Сэлэнгээ, Азийн аваргын хүрэл медальт Б.Оюун-Эрдэнэ нарын харваачид Парисын зурхайд цэц сорихоор боллоо. Пара байт харвааны дэлхийн чансаанд Д.Сэлэнгээ дөрөвт эрэмбэлэгдэж байгаа бол Б.Оюун-Эрдэнэ 14 дүгээр байрт жагсаж байна.