Олимпын эрхийн тэмцээнд явах эрхийн төлөөх хамгийн өрсөлдөөнтэй жин 63.5 кг байлаа. ДАШТ-ий хүрэл, 2019, 2021 оны Азийн аварга, 2018 оны Азийн наадмын аварга МУГТ Э.Цэндбаатар сорил тэмцээнд АНУ-аас зорьж ирсэн билээ. Түүний жинд дөрвөн тамирчин өрсөлдөж, Тайландыг зорих цор ганц эрхийн эзэн тодорсон юм.

        Сорил тулааны эхний өдөр Э.Цэндбаатар, Б.Буяндалай нар тааран тоглож, шүүгчдийн саналаар 3:2-ын харьцаагаар Э.Цэндбаатар шалгарч, дэлхийн цомын хүрэл медальт О.Тулга, дэлхийн цомын хүрэл медальт Т.Энхтөр нар тааран тоглож, Т.Энхтөр 4:1-ээр илүүрхсэн. Ийнхүү өнөөдөр буюу дөрөвдүгээр сарын 7-ны өдөр шийдвэрдэх тулаанд Э.Цэндбаатар, Т.Энхтөр нар тулснаар 4:1-ээр Э.Цэндбаатар ялалт байгуулж, олимпын эрхийн тэмцээнд оролцохоор болсон байна.