Монголын үндэсний бөхийн холбооны тэргүүн Ц.Магалжав 2023 оны наадмын түрүү бөхийн допингийн асуудалтай холбоотойгоор мэдээлэл өглөө.

          Тэрбээр “2023 оны наадмын түрүү бөхөөс допингийн асуудал гараад, тухайн бөх Спортын арбитр төрийн бус байгууллагад хандсан байгаа. Тэгвэл үүнтэй холбоотой хурлыг нээлттэй явуулах саналыг Баяр наадмын комиссоос тус төрийн бус байгууллагад тавьсан. Иймээс дөрөвдүгээр сард энэ хурал нээлттэй болно. Эцсийн дүндээ маргааныг Спортын арбитр төрийн бус байгууллага шийднэ. Шинжилгээний хариуг үндэслэн цолыг нь олгохоор ярьж байгаа. Энэ жил заал, танхимын барилдаанаас Монголын үндэсний бөхийн холбоо шинжилгээ авах төлөвлөгөө гаргасан ч Допингийн үндэсний хорооны 2017 оны бүртгэлийн асуудал маргаан дагуулснаас үүдэн шинжилгээ авах боломж хомс байна” гэв.