“Анталия 2024” их дуулгын сүүлийн өдөр -100 кг-ын жинд ОУХМ Батхуягийн Гончигсүрэн хүрэл медаль хүртлээ. Тэрбээр “В” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Данийн Mathias MADSEN-ыг, гуравдугаар тойрогт Швейцарийн  Daniel EICH-ийг ялсан. Хэсгийн аваргын төлөөх барилдаанд ОХУ-ын Arman ADAMIAN-д хожигдсон.

         Дагах тойргийн барилдаанд Нидерландын  Michael KORREL-ыг ялсан. Улмаар Бразилын Leonardo GONCALVES-тай хүрэл медалийн төлөөх барилдааныг  хийж яллаа. Харин ОХУ-ын бөх  Arman ADAMIAN, Португалийн Jorge FONSECA-д ялагдаж, хүрэл медалийн төлөөх барилдаанд Японы  Aaron WOLF-д ялагдан медальгүй хоцорлоо.