Монголын 3х3 эрэгтэй шигшээ баг Австралийн хүчирхэг багт хожигдол хүлээснээр хүрэл медалийн төлөө тоглохоор болсон. Хүрэл медалийн төлөө Шинэ Зеландын багтай тоглож, 21:18-ын харьцаатайгаар хожиж, хүрэл медалийн эзэд боллоо. Харин Монгол Улсын эмэгтэй шигшээ баг "FIBA 3x3 Asian Cup 2024" тэмцээний хасагдах шатанд Хятадын шигшээ багийг хожиж, шилдэг дөрөвт шалгарсан.

          Гэвч Австралийн багтай тоглож, 7:21-ийн харьцаатайгаар хожигдол хүлээснээр хүрэл медалийн төлөө тоглохоор болсон билээ. Тэгвэл тэд хүрэл медалийн төлөө Тайваний багтай тоглож, 17:10-ын харьцаатайгаар буулган авч, хүрэл медалийн эзэд боллоо. Ийнхүү Монголын шигшээ багийн эрэгтэй, эмэгтэй баг хос хүрэл медальтай тэмцээнийг өндөрлүүлж байна.