Дархан-Уул аймгийн хүндийн өргөлтийн шигшээ багийн тамирчид 2024 оны өсвөрийн улсын аварга шалгаруулах тэмцээнд амжилттай оролцсон байна. Хүндийн өргөлтийн өсвөр үеийн УАШТ өнгөрсөн долоо хоногт Хэнтий аймгийн Бор-Өндөр суманд зохион байгуулагджээ. Тус тэмцээнд ОУХМ Мажигжавын Сэлэнгэбаатар дасгалжуулагчтай Дархан-Уул аймгийн хүндийн өргөлтийн шигшээ багийн тамирчид оролцож нийт 17 алтан медаль, 15 мөнгөн медаль, найман хүрэл медаль хүртсэн амжилтыг гаргасан байна.

       Дарханы тамирчид  багийн нийлбэр дүнгээр эмэгтэй төрөлд хоёрдугаар байр эзэлж цомын эзэд болсон байна. Өсвөрийн улсын аварга шалгаруулах тэмцээнд 16 байгууллагын 190 тамирчин оролцжээ.