Исэгахама дэвжээний бөх Такэрүфүжи харү башёд 13 даваа, хоёр унаатайгаар макүүчи зиндаанд түрүүлснээр долоон түүхэн амжилтын эзэн болжээ.

       1914 онд сүмогийн дээд зиндаа буюу макүүчи зиндаанд шинээр дэвшиж орсон бөх орж ирээд шууд түрүүлсэн ганцхан тохиолдол Сэкиваке Рёогокүгийн амжилтыг 110 жилийн дараа дахин давтлаа.

        Мэргэжлийн сүмо бөхөд элсэж ороод жонокүчи зиндаа буюу хамгийн доод зиндаанаас барилдаад 10 башё барилдаад шууд дээд зиндаанд түрүүлсэнээрээ нэгдүгээр байрт бичигдэж байна.

        Мөн нэг содон амжилт нь Мэргэжлийн сүмо бөхийн дээд зиндаанд дэвшээд анхны башёдаа уналгүй 11 дараалан давсан 1958 онд үзүүлсэн Тайхо Аваргын амжилтыг давтсан хоёр дахь тохиолдол болжээ.

      Бас нэг содон сонин үйл явдал нь сүмогийн магэ үс нь ургаж гүйцээгүй бөх макүүчи зиндаанд түрүүлж Японы эзэн хааны цомыг хүртсэн анхны тохиолдол гэнэ.

      Жүрё болон макүүчи зиндаануудад нэг нэг башё барилдаад дараалан түрүүлсэн анхны бөх болжээ.

      Макүүчи зиндаанд түрүүлж Японы эзэн хааны цомыг, гурван тусгай шагналтай нь хамт хүртсэн гурав дахь бөх болсон бөгөөд 24 жилийн өмнөх Такаханада буюу мэргэжлийн сүмо бөхийн 65 дахь Ёкозүна Таканохагийн амжилтыг давтаж байгаа юм.

      Үүнээс гадна Аомори мужийн харъяат бөх Озеки Таканонамигаас хойш 27 жилийн дараа түрүүлж байгаа юм.