ОХУ-ын Буриадын нийслэл Улаан-Үд хотод “Сагаалха-2024” шатрын түргэн тоглолтын олон улсын тэмцээн энэ сарын 15-17-ны өдрүүдэд боллоо. Тэмцээнд нийт 650 шатарчин өрсөлдсөний 12 нь их мастер цолтон байжээ.

         Эмэгтэйчүүдийн ангилалд Үндэсний шигшээ багийн тамирчин, их мастер, Монгол Улсын гавьяат тамирчин Б.Мөнгөнтуул алтан медаль хүртжээ. Мөн дэд байрт Үндэсний шигшээ багийн тамирчин, их мастер Т.Мөнхзул орсон байна.

        Б.Мөнгөнтуул гавьяат тус тэмцээний хошой аварга болж буй бөгөөд өмнө нь 2017 онд түрүүлж, 2019 онд мөнгөн медаль хүртэж байлаа. Мөн эрэгтэйчүүдийн ангилалд өрсөлдсөн их мастер С.Билгүүн тав, эмэгтэйчүүдэд өрсөлдсөн Э.Хулан дөрөвдүгээр байр эзэлжээ.