Холбооны Бүгд Найрамдах Герман Улсын Дортмунд хотод буудлага спортын олон улсын тэмцээн гуравдугаар сарын 15-24-ний өдрүүдэд болж байна. Тус 36 дахь удаагийн энэхүү тэмцээнд манай улсаас “Парис-2024” зуны олимпын наадамд оролцох эрхээ авсан Н.Баяраа, Э.Даваахүү, О.Есүгэн нар цэц мэргэнээ сорьж буйгаас хоёр нь медалийн тавцанд гарлаа.

       Тэмцээний эмэгтэйчүүдийн урт бууны 10 метрийн дасгалд Оюунбатын Есүгэн (251.5 оноо) мөнгөн медаль хүртсэн байна.  Эрэгтэйчүүдийн гар бууны 10 метрийн дасгалд Энхтайваны Даваахүү (239.4 оноо) мөнгөн медаль хүртжээ. Харин Н.Баяраа XVI байрт оржээ. Өнөөдөр тамирчид хийн буудлагын дасгалд цэц мэргээ сорьж байна.