Монголын модон барилдааны холбооны ерөнхий шүүгч, Олон улсын шүүгч Сайнбаярын Тэлмэн  Азийн хүүхдийн наадмыг шүүнэ. Тэрбээр 2024 оны зургадугаар сарын 25-аас, долдугаар сарын 7-ны өдрүүдэд ОХУ –ын Сахагийн Якутск хотноо зохион байгуулагдах ‘’АЗИЙН ХҮҮХДҮҮД’’ олон улсын VIII -р их наадмын ерөнхий шүүгчээр томилогдлоо.

         Ингэснээр анх удаагаа Монгол шүүгч Азийн хүүхдийн спортын их наадмын ерөнхий шүүгчийн үүрэгт албанд ажиллах юм. С. Тэлмэн нь тив дэлхийн тэмцээн уралдааныг удаа дараа амжилттай шүүн дэнсэлснээр зогсохгүй Ази тивийн аварга шалгаруулах тэмцээн, ‘’ХILLINHOT CUP’’тэмцээнүүдийн ерөнхий шүүгчээр ажиллаж байсан туршлагатай бөгөөд олон улсын зэрэглэл өндөртэй чадварлаг шүүгчдийн эгнээнд зүй ёсоор багтдаг билээ.