Туркийн алдарт бөх Яшар Догу, Вехби Эмре, Хамит Каплан нарын нэрэмжит чөлөөт бөхийн олон улсын тэмцээний хоёр дахь өдрийн барилдаан үргэлжилж, эмэгтэйчүүдийн барилдаан өндөрлөв. Энэ өдөр эмэгтэйчүүдийн 53, 55, 59, 62, 68, 72 кг-ын жингийн барилдаанууд явагдаж медальтнууд тодорсон байна.

       Манай улсаас 53 кг-ын жинд олимп,дэлхийн хүрэл медальт, МУГТ, Бат-Очирын Болортуяа алтан медаль, 55 кг-д Азийн аварга, ОУХМ М.Дөлгөөн мөнгөн медаль, 59 кг-д ОУХМ Хүрэлхүүгийн Болортуяа мөнгөн медаль хүртжээ. Тэрбээр Японы бөхтэй сайн барилдаж 1:1-ээр оноо тэнцэж, торгуулийн оноогоор ялагдал хүлээн мөнгөн медаль авсан байна. Харин 68 кг-ын жинд ДАШТ-ий мөнгө, Азийн наадмын хүрэл медальт,  ОУХМ Э.Дэлгэрмаа алтан медаль тус тус хүртжээ. Эмэгтэй тамирчид багийн нийлбэр дүнгээр 133 оноотой II байрт шалгарсан байна.

Медальт байрт шалгарсан тамирчид:

Эм 53 кг:

1.Бат-Очирын Болортуяа (Монгол)

2.Зейнеп Йетгил (Турк)

3.Наталья Малышева (AIN)

3. Шохида Ахмедова (Узбекистан)

Эм 55 кг:

1. Екатерина Вербина (AIN)

2. Мөнхболдын Дөлгөөн (Монгол)

3.Эсра Пул (Турк)

3. Севил Назарова (AIN)

Эм 59 кг:

1.Мию Наканиши (Япон)

2.Хүрэлхүүгийн Болортуяа (Монгол)

3. Калмира Билимбекова (Киргизстан)

3.Гулдана Бекеш (Казахстан)

Эм 62 кг:

1.Айсулуу Тыныбекова (Киргизстан)

2. Ирина Кузнецова (Казахстан)

3.Амина Танделова (AIN)

3.Алина Касабиева (AIN)

Эм 68 кг:

1.Энхсайханы Дэлгэрмаа (Монгол)

2. Ноеми Сабадос (Унгар)

3. Ханум Велиева (AIN)

3. Елена Шалыгина (Казахстан)

Эм 72 кг:

1.Сумире Ниикура (Япон)

2. Женнифер Рослер (Герман)

3.Лилли Шнайдер (Герман)

3. Шамшиябану Тастанбек (Казахстан)

Багийн дүн:

1. Япон /135 оноо/

2. Монгол /133 оноо/

3. Казахстан /122 оноо/