Дархан-Уул аймгийн  Тосгоны ерөнхий боловсролын IV дунд сургуулийг төгсөгч, Монголын үндэсний шигшээ багийн тамирчин, биатлоны спортын олон улсын хэмжээний мастер Э.Энхсайханд аймгийн ЗДТГ-аасдэмжлэг үзүүлжээ. Э.Энхсайхан энэ сарын 2-7-ны өдрүүдэд болсон Европын залуучдын аварга шалгаруулах биатлоны тэмцээнд түрүүлэн аваргын алтан медалийг хүртсэн бахдам амжилтыг үзүүлсэн билээ.

        Монгол Улсынхаа, Дархан-Уул аймгийнхаа, зэвсэгт хүчний нэрийг олон улсын тавцанд өндөрт өргөөд ирсэн тамирчинг өнөөдөр 2024 оны гуравдугаар сарын 7-ны өдөр аймгийн Засаг дарга Б.Азжаргал хүлээн авч уулзан баяр хүргэн, цаашдын уралдаан тэмцээнд нь улам их амжилт хүсэн дурсгалын зүйлс, бэлтгэлийн арьсан цүнх, нэг сая төгрөгийн хамт гардуулан өглөө.

     Дархан-Уул аймаг тамирчдад бэлтгэл сургуулилалтаа хийж, тэмцээн уралдаанд явахад аймаг орон нутгаас байнга дэмжлэг үзүүлдэгт багш дасгалжуулагчид, тамирчид талархалтай байгаагаа илэрхийлсэн байна.