"Алтан мундарга-2024" сээр цохих олон улсын тэмцээн ОХУ-ын Буриадад болжээ. Тэмцээнд Монгол, БНХАУ болон ОХУ-ын Эрхүү муж, Өвөр байгалийн хязгаар, Тува, Халимаг, Буриадын 1000 гаруй залуус оролцож, хурд хүчээ сорьжээ. 

          Тус тэмцээний үнэмлэхүй аварга 1.5 сая рублийн шагнал хүртсэн байна.  Энэ удаагийн тэмцээний аваргаар  Монгол Улсаа төлөөлөн оролцсон Ц.Бэгзсүрэн дэлхийн дээд амжилтыг тогтоон түрүүлжээ. Тэрбээр Өвөрхангай аймгийн Арвайхээр сумын харьяат бөгөөд минутад 65 сээрээс, 63-ыг хугалж түрүүлсэн байна. 

         Эмэгтэйчүүдийн төрөлд мөн Монгол Улсаа төлөөлөн оролцсон М.Анужин тэргүүн байр эзэлж, Тайланд Улсад амрах эрхийн бичгийн эзэн болжээ. Тус тэмцээний бусад төрөлд Монгол Улсын тамирчид байр эзэлсэн амжилттай оролцсон байна.