Монголын 3х3 сагсан бөмбөгийн эрэгтэй, эмэгтэй шигшээ багуудыг олимпын эрхийн тэмцээнүүд болон Ази тивийн аварга хүлээж байгаа билээ. Парисын олимпын эрх олгох эхний тэмцээн ирэх сарын 12-ны өдөр Хонконгт болно. Үүнээс өмнө Азийн аварга шалгаруулах тэмцээн энэ сарын 27-ны өдөр Сингапурт эхлэх юм.

          Эдгээр тэмцээнд Монголын багийг Канад Улсын мэргэжилтэн Стив Сер удирдахаар болжээ. Өдгөө 41 настай түүний хувьд “Улаанбаатар ММС Энержи” багийн тоглогч байсан бөгөөд өнгөрсөн 3х3 сагсан бөмбөгийн улирлаас эхлэн дасгалжуулагчийн албыг давхар хаших болсон юм. Түүний удирдлага дор Улаанбаатар “ММС Энержи” баг Шанхайн мастерст түрүүлж, түүхэн амжилтаа үзүүлсэн билээ.