Олон улсын хөл бөмбөгийн холбоо, Азийн хөл бөмбөгийн холбооны "Элит" ангилалтай шүүгч Өнөржаргалын Батцэцэг энэ сарын 3-16-ны өдрүүдэд Узбекистан Улсын Ташкент хотод зохион байгуулагдаж буй 2024 оны АХБХ-ны эмэгтэйчүүдийн 20 хүртэлх насны Азийн цомын шигшээ тэмцээнд томилогдон ажиллахаар болсон билээ.

            Тэгвэл өнөөдөр "B" хэсгийн эхний тоглолт БНАСАУ болон БНХАУ-ын шигшээ багуудын тоглолтод Лаос, Тайланд Улсын шүүгчидтэй хамт томилогдон амжилттай ажиллаласан байна.Ийнхүү Монголын хөл бөмбөгийн эмэгтэй шүүгчдийн хувьд түүхэн үйл явдал болж байгаа юм учир нь Монголын шүүгч АХБХ-ны эмэгтэйчүүдийн шигшээ тэмцээнд анх удаагаа шүүж байгаа юм.

        АХБХ-ны “Элит” шүүгч Ө.Батцэцэгийн хувьд 2023 онд АХБХ-ны эмэгтэйчүүдийн Азийн цом болон "Ханжоу-2023" Азийн наадам зэрэг томоохон тэмцээнүүдэд ажиллаж,  МҮОХ-ны "Бөртэ Чоно"-ын оны "шилдэг шүүгч"-ээр тодорсон билээ.