Жүдо бөхийн Үндэсний шигшээ багийн тамирчин, ОУХМ Батзаяагийн Эрдэнэбаяр 2000 оны энэ өдөр Эрдэнэт хотод мэндэлжээ. Тэрбээр 81 кг-ын жинд нэг хэсэг барилдаж байв. Харин 2023 оны УАШТ-д 73 кг-ын жинд барилдаж, ОУХМ О.Уранбаярыг ялж Монгол Улсын аварга болсон билээ.

        Түүний дараа Б.Эрдэнэбаяр “Тбилис 2023” гранд сламын 73 кг-ын жингийн аварга болсон юм. Тэрбээр “А” хэсгийн нэгдүгээр тойрогт Хайтигийн Philippe Abel METELLUS-ыг, хоёрдугаар тойрогт ДАШТ-ий мөнгөн медальт, Казахстаны Zhansay SMAGULOV-ыг, гуравдугаар тойргийн барилдаанд Ирландын Joshua GREEN-ыг, “А” хэсгийн аваргын төлөөх барилдаанд олимп, дэлхийн аварга, Гүржийн Lasha SHAVDATUASHVILI-ыг ялсан.

        Улмаар шөвгийн дөрөвт  Испанийн Salvador CASES ROCA-г, хоёрны нэг шигшээ барилдаанд Узбекистаны Obidkhon NOMANOV-ыг ялж, “Тбилис-2023” их дуулгын алтан медалийг хүртэж, багагүй шуугиан сенсацийг дэгдээж байсан билээ.