Тулааны спортын дэлхийн хошой аварга, Азийн аварга, зэвсэгт хүчний 084 дүгээр ангийн гардан тулааны багш, ОУХМ, ахлах дэслэгч Болдбаатарын Наадам АНУ-д тулааны олон улсын фестивальд тэргүүлж, алтан медаль хүртжээ.

         Тус фестиваль АНУ-ын Охой муж Колумбус хотод хоёрдугаар сарын 29-ний өдрөөс гуравдугаар сарын 3-ны өдрүүдэд болсон байна.  Б.Наадам Арнольд классик тулааны олон улсын фестивальд муайтай боксын төрөлд 88 кг-ын жинд амжилттай оролцож, тэргүүлжээ.

         Тэрбээр энэ төрөлдөө 2019 онд мөн түрүүлж байсан бөгөөд таван жилийн дараа аваргаа дахин бататгаж, олон улсын тулааны спортоор хичээллэдэг тамирчдын талархлыг хүлээсэн байна.

          Ахлах дэслэгч Б.Наадам нь тулааны спортын дэлхийн хошой аварга, Азийн аваргаар шалгарч байсны зэрэгцээ зэвсэгт хүчний аварга шалгаруулах гардан тулааны тэмцээнд есөн удаа аваргалж, өөрийгөө дархалсан зэвсэгт хүчний шилдэг офицеруудын нэг юм.