Монгол Улсын Ерөнхийлөгч асан, МЖБХ-ны ерөнхийлөгч Халтмаагийн Баттулга 1963 оны энэ өдөр Улаанбаатар хотод мэндэлжээ. Тэрбээр Монгол Улсын тав дахь ерөнхийлөгч юм. Самбо бөхийн дэлхийн аварга, Монгол Улсын гавьяат тамирчин Х.Баттулга  самбо бөхийн дэлхийн аварга шалгаруулах тэмцээнд гурван удаа оролцож нэг алт, нэг мөнгө,  нэг хүрэл медаль хүртэж байсан. Мөн дэлхийн цомын тэмцээнээс нэг алт, нэг мөнгө, нэг хүрэл медаль хүртэж байв.

       Тэрбээр 1978 онд Нийслэлийн ХУД-ийн 10 жилийн 34 дүгээр дунд сургуулийг төгссөн. Улмаар 1982 онд Дүрслэх урлагийн дунд сургуулийг зураач мэргэжлээр тус тус төгссөн юм. 1979 -1990 онд Самбо бөхийн улсын шигшээ багийн тамирчин байв. Х.Баттулга “Төрийн албанаас, улс төрөөс төрсөн тэрбумтан биш” юм.  Тэр зах зээлийн нийгмийн шилжилтийн үед ганзагын наймаа эрхлэн эдийн засгийн эрх чөлөөнд хүрч, хөдөлмөр, хичээл, зүтгэлийнхээ үр шимийг хүртэж “Женко” компанийг үүсгэн байгуулсан билээ.

      2004 оноос улс төрд орсон.  2017-2021 оны хооронд Монгол Улсын Ерөнхийлөгчөөр ажилласан. 2006 -оноос Монголын жүдо бөхийн холбооны ерөнхийлөгчөөр сонгогдон өнөөг хүртэл амжилттай ажиллаж байгаа. Х.Баттулга МЖБХ-д менежментийн шинэчлэлт хийж, өөрчлөлт, хөгжил, дэвшлийн замд хөтөлсөн билээ. Монголын жүдочдыг дэлхийн түвшинд хүргэж олимп, дэлхийн медальтан тамирчдыг төрүүлэн гаргахад үнэтэй хувь нэмэр оруулсан юм.