"Монгол Улсын шигшээ баг, "Хасын Хүлэгүүд" багийн ахлагч ОУХМ Б.Билгүүн зодог тайлна" гэх мэдээлэл цахим сүлжээнд цацагдаад байгаа юм.

             Бид ОУХМ Б.Билгүүнтэй холбогдож энэ талаар тодрууллаа. Тэрбээр “Яагаад намайг зодог тайлна гэсэн мэдээлэл гарсныг мэдэхгүй байна. Өмнө нь өгч байсан ярилцлагыг буруугаар ойлгож, гуйвуулаад байна. Надад зодог тайлах бодол одоогоор байхгүй” гэлээ.

              Б.Билгүүн  2005 онд “Баганат өргөө” багийн бүрэлдэхүүнд  багтаж, “Дээд лиг”-т анх удаа тоглож эхэлсэн. Түүнээс хойш 10 гаруй жил  “Хасын хүлэгүүд” багт багтаж, “Дээд лиг”-т өрсөлдөж, есөн удаа аваргын төлөө тоглосон амжилт үзүүлээд байгаа юм. Мөн өнөөдөр 19:40 цагаас “Хасын хүлэгүүд  баг “Эрдэнэтийн уурхайчид” багийн эсрэг цувралын дөрөв дэх тоглолтоо хийх юм.