Их мастер А.Энхтуул Тайланд Улсын “The Rooky” шатрын академитай хамтран ажиллаж эхэллээ.  Монгол Улсын шатрын 25 дахь аварга, дотоодын цэргийн 805-р ангийн ахлах ахлагч, Их мастер А.Энхтуул энэ оны хоёрдугаар сараас эхлэн Тайланд Улсын “The Rooky” шатрын академийн урилгаар хамтран ажиллаж эхэллээ.

        Их мастер А.Энхтуул нь БНХАУ-ын Шанхай хотын шатрын академид ажилладаг байсан бол хувь хүний хөгжил, олон улсын харилцаагаа улам өргөжүүлэн Тайланд Улсын өсвөрийн шатарчин хүүхдүүдэд цахим буюу алсын зайны сургалтыг зааж сургаж байна.

         Түүнчлэн, БНХАУ, АНУ, Франц, Япон гээд дэлхийн өндөр хөгжилтэй орнуудад Монгол хүний тэр дундаа Монгол шатарчны ухааныг таниулж, өөрийн хүч хөдөлмөрөөр шалгууруудыг давж олон улсын шатрын байгууллагуудад ажиллаж буй нь эх орноо зөв зохистой сурталчилж байгаа юм байна.