Казахстан Улсын Алмата хотод олимпын аварга Ермаханы нэрэмжит эмэгтэй боксын олон улсын тэмцээн боллоо. Тус тэмцээнд дэлхийн аварга, Ази  тивийн медальтан тамирчид оролцсон нь тэмцээнийг өрсөлдөөнтэй болгосон байна. Манай улсын боксчид энэ удаагийн тэмцээнд амжилттай оролцлоо. Тэмцээний 52 кг-ын жинд “Хилчин” спорт хорооны тамирчин, Ц.Лхам алтан медаль, 46 кг-ын жинд “Ихэр бээлий” клубийн тамирчин, А.Алтанзул хүрэл медаль, 50 кг-ын жинд “Radiance” клубийн  тамирчин, Э.Номундарь хүрэл медаль хүртжээ.