Жүдо бөхийн Ази тивийн аварга, ОУХМ, Болдын Ганхайч 1995 оны энэ өдөр мэндэлжээ. Тэрбээр Жүдо бөхийн үндэсний шигшээ баг, "Алдар" спорт хорооны харьяалагддаг. Б.Ганхайч 2022 онд Казахстан Улсын Нур-Султан хотод болсон Ази тивийн аварга шалгаруулах тэмцээнд түрүүлж Ази тивийн аварга болсон. Азийн аваргын алтан медалийн төлөөх барилдаанд Японы Нами Набекүраг цэвэр ялж, Азийн аваргын алтан медаль хүртсэн юм. 2019 оны Азийн аваргаас мөнгө, 2017 оны Азийн аваргаас хүрэл медаль хүртэж байсан тэрбээр ийнхүү Азийн аваргын иж бүрэн медальтай болсон билээ.

         Улаанбаатар, Хөх хот, Загребийн гран пригийн хүрэл медальтай. Харин Дюсельдорфийн их дуулгаас 2018 онд хүрэл, 2019 онд Екатринбургийн их дуулгаас хүрэл, 2022 онд Дюсельдорфийн их дуулгаас хүрэл, 2021 онд Бакугийн их дуулгаас мөнгөн медаль, 2024 онд Парисын их дуулгаас хүрэл медаль хүртээд байгаа. Манай улсын 63 кг-ын шилдэг тамирчдын нэгэн билээ.