Монголын тэшүүрийн холбооны шорт трекийн Үндэсний шигшээ багийн тамирчид энэ сарын 22-25-ны өдүүдэд Польш Улсад явагдаж буй Олон улсын тэшүүрийн холбооны шорт трекийн дэлхийн цомын тэмцээнд амжилттай оролцлоо.

       Шигшээ багийн тамирчин ОУХМ Э. Мөнх-Эрдэнэ 500 м, 1000 м-ийн зайн уралдаанд оролцжээ. Тэрбээр 500 м-ийн зайд оролцож 51 тамирчнаас  чансаагаарай 32-р байр эзэлж 00:46.192 секундын амжилт, 1000 м-ийн зайд оролцсон 58 тамирчин 50-р байр эзэлж 01:35.825 секундын амжилт үзүүлжээ.

          Эмэгтэйчүүдийн төрөлд шигшээ багийн тамирчин ОУХМ Б. Гэрэлтуяа 500 м-ийн хоёр зайд оролцсон байна.  500 м-ийн  төрөлд нийт 38 тамирчин оролцжээ. Тэрбээр 00:50.105 секундын амжилт үзүүлж, 31-р байрт орсон байна. Хоёр дахь 500 м-ийн зайд 33 тамирчин оролцжээ. Б.Гэрэлтуяа тус уралдаанд 00:49.505 секундын амжилтаар 30-р байр эзэлсэн байна.