Таэквондогийн "World President's Cup" тэмцээнээс  МУГТ Г.Болор-Эрдэнэ, ОУХМ У.Сүрэнжав нар мөнгөн медаль хүртжээ. Тус тэмцээн Иран Улсын Тегран хотноо зохион байгуулагдсан байна. Олимпын эрхийн оноо олгох VI дахь удаагийн "World President's Cup" олон улсын тэмцээнд манай таэквондочид амжилттай оролцжээ.

            Эрэгтэйчүүдийн 63 кг жинд Паратаэквондогийн үндэсний шигшээ багийн тамирчин, МУГТ Г.Болор-Эрдэнэ, эмэгтэйчүүдийн 52 кг жинд Паратаэквондогийн үндэсний шигшээ баг, “Алдар” спорт хорооны тамирчин У.Сүрэнжав нар мөнгөн медаль хүртсэн байна.  Багийн дүнгээр Монгол Улсын баг, тамирчид гуравдугаар байрт шалгарчээ.Тэмцээний “Шилдэг дасгалжуулагч”-аар Паратаэквондогийн үндэсний шигшээ багийн дасгалжуулагч Н.Эрдэнэбаатар шалгарсан байна.