Мөсний загасчлалын 20 дахь удаагийн ДАШТ ирэх гуравдугаар сарын 9-10-ны өдрүүдэд Архангай аймгийн Өгийнуурт болно. Тэмцээнд дэлхийн орон орны 100 гаруй тамирчин оролцох бөгөөд өчигдөр хамгийн эхний буюу Украины баг Монголд иржээ.  Тэд 19 дэх удаагийн ДАШТ өнгөрсөн оны хоёрдугаар сард Эстони Улсад болоход манай шигшээ баг зургаадугаар байрт  шалгарсан. Харин Украины баг түрүүлсэн юм.

        Тэгвэл манай улс ДАШТ-ийг угтаж өнгөрсөн оны арванхоёрдугаар сард мөсний загасчлалын бооцоот тэмцээнийг зохион байгуулахад 14 багийн нийт 80 гаруй загасчин өрсөлдсөн билээ. Тэмцээний талбайг ДАШТ-ий жишгээр зохион байгуулж, ДАШТ-ий хянагч, шүүгчид ирж ажилласан байна.