Модон луу жилийн үндэсний бөхийн хамгийн эхний барилдаан Монгол бөхийн өргөөнд болж өндөрлөв. Дорнод аймгийн Булган сумын 100 жилийн ойд зориулан аймаг цэргийн цолтой хүчит 256 бөх барилдсан байна. Булган аймгийн Сайхан сумын харьяат аймгийн начин Батсуурийн Бат-Эрдэнэ найм даван түрүүлжээ.

         Тэрбээр Сэлэнгийн аймгийн начин Б.Улаалзгана, Архангайн аймгийн арслан Э.Мөнхжаргал, Архангайн аймгийн заан Г.Мөнхбаяр, Булганы аймгийн хурц арслан Ө.Сүхбат, Хэнтийн аймгийн арслан Д.Алтанцоож, Булганы аймгийн арслан М.Эрхэмбаяр, Хөвсгөлийн аймгийн заан Ж.Хатанзоригт нараар долоо давжээ. Тэргүүн байрын төлөө Баян-Өлгийн аймгийн хурц арслан М.Эркебуланыг давж түрүүлжээ.

         Харин Баян-Өлгий аймгийн Алтай сумын харьяат аймгийн хурц арслан Малышийн Еркебулан долоо давж үзүүрлэсэн байна. Шөвгийн дөрөвт Хөвсгөл аймгийн Тариалан сумын харьяат аймгийн заан Ж. Хатанзоригт, Төв аймгийн Эрдэнэсант сумын харьяат аймгийн харцагаБ. Ганзолбоо нар шалгарчээ.