Монголын сагсан бөмбөгийн шигшээ баг 2025 оны Азийн аварга шалгаруулах тэмцээнд өрсөлдөх эрхийн цуврал тоглолтоо хийж эхэлнэ. Тэд маргааш Хятадыг зорих гэж байна.  Азийн аварга шалгаруулах 2025 оны тэмцээнд өрсөлдөх эрхийн цуврал тоглолтод нийт 16 баг орно.
 

         Эрхийн төлөө 24 баг өрсөлдөх бөгөөд тус бүр дөрвөн багтай зургаан хэсэгт хоорондоо home, away тоглоно.  Хэсэг бүрээс эхний хоёр баг буюу нийт 12 баг шууд шалгарна.  Хэсэгтээ гуравт бичигдсэн зургаан баг гурав, гураваараа хоёр  хэсэг болон хоорондоо тоглож дөрвөн баг нь эрхээ авна.
 

        Азийн 2025 оны аваргад орсон 16 баг 2027 оны дэлхийн аваргын Qualifier-т орох эрхийг шууд авна. Манай шигшээ түүхэндээ анх удаагаа “Pre-qualifier” шатыг давж “qualifier” шатанд  FIBA Rank 26-д эрэмбэтэй Япон, 29 –д эрэмбэтэй Хятад, 76-д эрэмбэлэгдсэн Гуам Улсын багуудтай “С” хэсэгт өрсөлдөнө. Харин манай улсын баг FIBA Rank 100-д эрэмбэлэгдэж байна.