Испани Улсад жүдо бөхийн өсвөр үеийн “FUENGIROLA CADET EUROPEAN CUP 2024” тэмцээнд Монгол Улсын өсвөрийн жүдочид амжилттай оролцлоо. Тэмцээний эхний өдөр дөрвөн тамирчин өрсөлдөж хоёр алт, нэг хүрэл медаль хүртэж, нэг тамирчин есдүгээр байрт шалгарлаа.

        Хөвгүүдийн 55 кг жинд “Мон-Алтиус Цагаанбаатар академи”-ийн Батбилэгийн Бат-Энэрэл алтан медаль, охидын  52 кг жинд “Женко” клубийн тамирчин Жамсрангийн Анударь алтан медаль, “Мон-Алтиус” ахлах сургуулийн сурагч Чинзоригийн Бодьрагчаа эрэгтэйчүүдийн 60 кг жинд хүрэл медаль тус тус хүртжээ. Харин Баяржавхлангийн Тэмүүлэн есдүгээр байрт шалгарсан байна.  

       Ж.Анударь, Б.Бат-Энэрэл нар энэ тэмцээний өмнө Итали Улсад болсон Европын цомын тэмцээнээс мөн алтан медаль хүртсэн билээ. Жүдо бөхийн өсвөр үеийн Европын цуврал тэмцээн үргэлжилж байна.