Дэлхийн бөхийн нэгдсэн холбоо олимпын бус жингийн дэлхийн аварга шалгаруулах тэмцээнийг энэ онд зохион байгуулахаар шийдвэрлэлээ. Тус тэмцээнийг Албани Улсын Тирана хотод аравдугаар сарын 28-31-ний өдрүүдэд  хийхээр товлосон байна.

         Ингэхдээ аравдугаар сарын 21-27-ны өдрүүдэд болох  “U23” хүртэлх насны дэлхийн аварга шалгаруулах тэмцээний дараа буюу тухайн дэвжээн дээр үргэлжлүүлэн зохион байгуулах гэнэ. Ийнхүү 2016 оноос хойш тасраад байсан олимпын бус жингийн ДАШТ Тирана хотод эргэн ирлээ.

         Энэ удаагийн ДАШТ эрэгтэйчүүдийн 61 кг, 70 кг, 79 кг, 92 кг, эмэгтэйчүүдийн 55 кг, 59 кг, 65 кг, 72 кг; сонгомол барилдааны 55 кг, 63 кг, 72 кг, 82 кг гэсэн 12 жингийн ангиллаар явуулах юм байна.