Э.Үүрийнцолмон ОХУ-ын "Россия-1" сувгийн "Удивительные люди" буюу "Гайхамшигт хүмүүс" шоу нэвтрүүлэгт оролцоно. Ой тогтоолтын спортын 2022 оны бага насны дэлхийн аварга, 2023 оны өсвөрийн дэлхийн аварга, Монголын оюун ухааны академийн тамирчин, их мастер, Дархан-Уул аймгийн “Оюуны-Ирээдүй” цогцолбор сургуулийн сурагч Э.Үүрийнцолмон 13 настай.

           Тэрбээр ОХУ-д тархины гайхамшгийг харуулахаар энэ сарын 17-нд Москва хотыг зорихоор болжээ. Э.Үүрийнцолмон нь 13-хан насандаа 17 хүртэлх насны тамирчидтай өрсөлдөж өсвөрийн дэлхийн аварга болсон түүхэн амжилтын эзэн юм.