Олимпын хошой аварга Заурбек Сидаков тэргүүтэй 19 тамирчны "Парис 2024"-т орох эрхийг хасах санал тавив. Украины Олимпын Хороо (УОХ)-ноос Олон Улсын Олимпын Хороо (ОУОХ)-ны ерөнхийлөгч Томас Бахад хандаж захидал илгээжээ.

          Украины олимпын хорооноос нэр дурдсан 19 тамирчныг олимпод оролцох шаардлага хангахгүй байна гэж уг захидалдаа дурдсан юм. Тодруулбал өнгөрсөн арванхоёрдугаар сард ОУОХ-ноос ОХУ болон Беларусийн төвийг сахисан тамирчдад олимпын туг далбаан дор "Парис 2024"-д өрсөлдөх зөвшөөрөл өгсөн.

        Ингэхдээ хэдэн болзол тавьсны дотор дайныг дэмжихгүй байхыг шаардсан юм. Тэгвэл ОХУ болон Беларусийн чөлөөт бөхийн тамирчид олимпын эрхээ авсан ч зарим шаардлагыг хангаагүй гэж Украины тал үзжээ. Тиймээс нотлох баримтад үндэслээд дахин нягталж өгөхийг ОУОХ-ны тэргүүнээс хүссэн байна. Эдгээр 19 тамирчин бүгд чөлөөт болон, сонгомлын бөхчүүд байна. Тэд олимпын эрх олгох эхний тэмцээнээс эрхээ авсан аж.

          Одоо хоёр дахь эрх олгох тэмцээн дөхсөн тул дайныг дэмжээгүй бусад тамирчдад боломж олгох үүднээс шалгуулах хүсэлтэй байгаагаа Украины олимпын хороо илэрхийлжээ. Эдгээр тамирчдыг өөрсдийн цахим хуудсаараа дамжуулан дайныг дэмжсэн гэж хардаж байгаа юм.

Төвийг сахисан бодлогод нийцээгүй тамирчдын жагсаалт:

Абдулрашид Садулаев (чөлөөт бөх)

Угуев Заур (чөлөөт бөх)

Садиков Зауербек (чөлөөт бөх)

Ауэс Гонибов (сонгомол бөх)

Милад Алирзаев (сонгомол бөх)

Рахман Тавмурзаев (сонгомол бөх)

Виталий Кабалоев (сонгомол бөх)

Александр Гуштын (чөлөөт бөх)

Сергей Семёнов (сонгомол бөх)

Артур Саргсян (сонгомол бөх)

Кирилл Маскевич (сонгомол бөх)

Александр Лиавончик (сонгомол бөх)

Ахмед Усманов (чөлөөт бөх)

Мухтарович Магомедов (чөлөөт бөх)

Артур Найфонов (чөлөөт бөх)

Алина Касабиева (чөлөөт бөх)

Анастасья Сиделникова (чөлөөт бөх)

Ванесса Колодинская (чөлөөт бөх)

Надежда Соколова (чөлөөт бөх)