Тайланд Улсад “WBC MuayThai” холбооны дэлхийн аварга шалгаруулах тэмцээн болжээ. Манай улсын “VICTORY” клубийн өсвөрийн долоон  тамирчин тус тэмцээнд оролцож, таван тамирчин финалд шалгарч, алтан медалийн төлөө тулалдахаар болжээ.

          Эхний тулаанд Бямбадорж тулалдаж “WBC MuayThai” холбооны өсвөр үеийн дэлхийн аварга Монголын анхны тулаанч болжээ. Мөн muaythai төрлөөр анхны Монголоос төрсөн өсвөрийн дэлхийн аварга хүүхэд болж түүх бичигдлээ. Хоёр дахь тулаанд С. Анужин тулалдаж алтан медаль хүртжээ. Тэрбээр “WBC MuayThai” холбооны залуучуудын ангиллын анхны Монгол эмэгтэй дэлхийн аварга болжээ. Үлдсэн гурван тамирчин тулаанаа хараахан хийгээгүй байна.