Олон улсын биатлоны холбооны залуучуудын цомын аварга шалгаруулах тэмцээн болж манай үндэсний шигшээ багийн тамирчид дасгалжуудагч олимп, дэлхийн аварга А.Попов, ОУХМ Ц. Мөнх-Эрдэнэ, Б.Бат-Эрдэнэ нарын удирдлага дор өрсөлдөв. ОУХМ Э.Энхсайхан 10 км-ийн спринт уралдаанд шагналт зургадугаар байрт шалгарлаа.

          Харин спортын мастер Ж.Гантулга 68-р байр, Б.Хонгор 98-р байрт тус тус эзэллээ. Ийнхүү үргэлжилсэн тэмцээнд Монголын баг тамирчид 39 орны багаас 19 дүгээр байрт шалгарсан байна. Олон улсын хэмжээний мастер Э.Энхсайханы шагналт зургадугаар байрт шалгарсан явдал нь Монголын биатлоны түүхийн бас нэг шинэхэн түүхийн хуудас боллоо.