Монголын таэквондогийн холбооны дэд ерөнхийлөгч Л.Цэнгүүнжав БНСУ-ын засгийн газрын шагналаар шагнагдлаа. БНСУ-аас Монгол Улсад суугаа онц бөгөөд бүрэн эрхт элчин сайд Ким Жүн Гү уг шагналыг гардуулахдаа "Хоёр улсын харилцааг спорт, эдийн засаг, бизнесийн салбарт хөгжүүлэхэд оруулсан хувь нэмрийг нь үнэлж энэхүү нэр хүндтэй шагналыг олгож байна" хэмээн онцлон хэллээ.

         Уг шагнал нь БНСУ-ын Гадаад харилцааны яамнаас нь гадаад улсын иргэнд олгодог засгийн газрын дээд шагнал юм байна. “Монголын таэквондогийн холбооны дэд ерөнхийлөгч Л.Цэнгүүнжав танд Монгол Улсад таэквондогийн спорт хөгжихөд үнэтэй хувь нэмэр оруулж байгаад тань монголын мянга, мянган таэквондочдынхоо нэрийн өмнөөс талархал илэрхийлэхийн сацуу баяр хүргэе” гэжээ.