Парисын их дуулгын 66 кг-ын жингийн “С” хэсгийг МУГТ Ё.Басхүү толгойлон барилдсан. Тэрбээр нэгдүгээр тойрогт гоц мөргөн ялалт авсан. Хоёрдугаар тойргийн барилдаанд Колумбын Juan HERNANDEZ-ийг ялсан. Гуравдугаар тойрогт Өмнөд Солонгосын KIM Chan Nyeong-той барилдаж ялж шигшээ наймд үлдсэн.  “С” хэсгийн аваргын төлөө Бразилийн Willian LIMA-тай барилдаж ялсан.

           Улмаар шөвгийн дөрөвт үлдэж, Японы Takeshi TAKEOKA-д хожигдсон. Одоо хүрэл медалийн төлөө АНЭУ-ын нэр дээр барилдаж буй Б.Нармандахтай хүрэл медалийн төлөө барилдана. ОУХМ Б.Нармандах дагах тойргийн барилдаанд Украины Bogdan IADOV-ыг ялж, хүрэл медалийн төлөө барилдах эрхтэй болсон. Энэ жингийн нөгөө хүрэл медалийн төлөө Өмнөд Солонгосын Ан Баул аварга, Испанийн David TORNE GARCIA нар хүч үзнэ. Харин аваргын алтан медалийн төлөө Японы хоёр бөх барилдахаар боллоо.