Франц Улсад өнөөдөр жүдо бөхийн “Парис 2024” гран слам тэмцээн эхэллээ. Эрэгтэйчүүдийн 66 кг-ын жингийн “С” хэсгийг МУГТ Ё.Басхүү толгойлон барилдаж байна. Тэрбээр нэгдүгээр тойрогт гоц мөргөн ялалт авсан. Хоёрдугаар тойргийн барилдаанд Колумбын Juan HERNANDEZ-ийг ялсан. Гуравдугаар тойрогт Өмнөд Солонгосын KIM Chan Nyeong-той барилдана.

           Харин ОУХМ Б.Эрхэмбаяр “D” хэсгийг толгойлон барилдсан. Нэгдүгээр тойрогт гоц мөргөн ялалт авсан. Хоёрдугаар тойргийн барилдаанд Японы Takeshi TAKEOKA-д ялагдаж тэмцээнээ өндөрлүүлсэн.

           Энэ жинд АНЭУ-ын нэр дээр барилдаж буй ОУХМ Б.Нармандах “А” хэсгийн нэгдүгээр тойргийн барилдаанд Францын Kevin AZEMA-ыг ялсан. Хоёрдугаар тойргийн барилдаанд Узбекистаны шилдэг жүдочин Mukhriddin TILOVOV-ыг буулган авсан байгаа. Б.Нармандах гуравдугаар тойргийн барилдаанд Германы Martin SETZ-тэй таарсан.