Монголын сагсан бөмбөгийн холбооны дасгалжуулагчийн “С” зэрэглэлийн лиценз олгох сургалтыг Монголын сагсан бөмбөгийн дасгалжуулагчдын холбоотой хамтран гурван сарын хугацаанд амжилттай зохион байгуулж өндөрлөлөө.

            Дасгалжуулагчийн зэрэглэл олгох сургалт таван үе шаттай явагдаж нийт давхардсан тоогоор 786 багш хамрагдаж 19 өдөр, 76 цагийн хичээл оржээ. Хөдөө орон нутгаас 60 багш оролцож нийт 174 багш “С” ангиллын дасгалжуулагчийн зэрэглэл авлаа.

          Дасгалжуулагчийн “С” лиценз авсан дасгалжуулагчид МСБХ-ны 2024 оны улсын аварга шалгаруулах тэмцээнд баг дасгалжуулах эрхтэй боллоо. Цаашид зэрэглэл олгох, зэрэглэл нэмэх, багш дасгалжуулагчдаа хөгжүүлэх сургалтуудыг тогтмол зохион байгуулах болно.

          Олон улсын сагсан бөмбөгийн шинэ сургалт, чиг хандлага, хүүхдийн нас, биеийн онцлог, тоглогчийн байрлал бүрт тааруулан хэрхэн ажиллах зэргээс суралцан хөгжихийг гол болгож байгаа.