"Канвон-2024"  залуучуупын өвлийн олимпын эмэгтэйчүүдийн гүйлтийн цанын 7.5 км-ийн уралдаан “Alpensia Biathlon Centre”-т боллоо. Сонгодог тэшилтийн төрлөөр болсон энэхүү гараанд 78 тамирчин хурд сориход Финландын Н.Карппелин 22:19.6 минутын амжилтаар түрүүлж, энэ олимпоос хоёр дахь медалиа зүүв. Тэрбээр өмнө нь спринт уралдаанаас хүрэл медаль хүртсэн билээ.

          Энэ гараанд уралдсан манай тамирчин Н.Нандинцэцэг 26:43.4 минутаар 46-р байрт орсон бол манай нөгөө тамирчин Ж.Уянга 27:11.8 үзүүлэлтээр 49-д жагслаа. Тун удахгүй эрэгтэйчүүдийн 7.5 км-ийн уралдаан эхэлж, манай хоёр тамирчин Т.Өсөх-Ирээдүй, А.Хүслэн нар хурд сорих болно.