Холбоодын нэгдсэн УАШТ-2024-ийн Фитнессийн спортын нэгэн шинэ төрөл болох фанкшенл фитнессийн хоёр дахь удаагийн багийн УАШТ "UG Palace" ордонд эхэллээ. Тэмцээнд 24 багийн 72 тамирчин (баг бүр 3 хүнтэй) таван өөр дасгалыг хоёр өдрийн турш хийж өрсөлдөх юм.

        2017 оноос хойш дэлхий дахинд хөгжиж буй фанкшенл фитнесс нь хүндийн өргөлт, хөнгөн атлетик, гимнастикийн элементүүдийг агуулсан, хүч, хурд, тэсвэр, авхаалж самбаа, стратеги шаардсан дасгалуудыг олон улсын стандартын дагуу хийж гүйцэтгэн өрсөлддөг онцлогтой.

       Манай улсад өнгөрсөн жил фанкшенл фитнессийн холбоо байгуулагдаж, энэ жил хоёр дахь УАШТ-ээ явуулж буй юм. УАШТ-д амжилттай оролцсон тамирчдаас сонгон шалгаруулж, Ази болон дэлхийн аварга шалгаруулах тэмцээнд оролцуулах болно.