Корнхолын хоёр дахь удаагийн УАШТ "Буянт-Ухаа" спорт ордонд өчигдөр орой болж өндөрлөлөө. Тэмцээнд 70 гаруй тамирчин үндсэн дөрвөн төрөлд өрсөлдөж, медальтнуудаа тодруулав. Эрэгтэй, эмэгтэй ганцаарчилсан төрөлд төрсөн ах, дүүс болох Х.Хишигбат, Х.Цацрал нар түрүүлсэн нь энэ тэмцээний гол онцлог байлаа.

          Х.Хишигбат өнгөрсөн жил анхны УАШТ-д мөн түрүүлсэн бөгөөд энэ жил дүүгээ корнхолын спортод "уруу татаж" оруулаад хамтдаа алт зүүв.Х.Хишигбат багийн төрөлд Ц.Оюунжаргалын хамт мөн түрүүлж, энэ УАШТ-ий гол дүрээр тодорсон юм.

          Тус багийн өнгөрсөн жилийн УАШТ-д үзүүрлэсэн амжилтаа мөн ахиулжээ. Түүнчлэн эмэгтэй багийн тэмцээнд өнгөрсөн жилийн хүрэл медалийн эзэн "Теодор" баг түрүүллээ.

УАШТ-ий дүн

Эрэгтэй ганцаарчилсан:

1.Х.Хишигбат

2.М.Батбилэг

3.Э.Баттөмөр

Эмэгтэй ганцаарчилсан:

1.Х.Цацрал

2.С.Түвшинжаргал

3.А.Өлзийбуян

Эрэгтэй баг:

1.Winners (Х.Хишигбат/Ц.Оюунжаргал)

2.АСЕ (М.Норовцэнд/Б.Мөнх-Эрдэнэ)

3.Эрдэнэт үйлдвэр (Б.Баянмөнх/Б.Золбоо)

Эмэгтэй баг:

1.Теодор (Ч.Пүрэвнамжил/Т.Пүрэвсүрэн)

2.Queens (С.Түвшинжаргал/Х.Цацрал)

3.Госсип ЖР (Б.Булган/Г.Болоржаргал)