"Канвон-2024" залуучуудын өвлийн олимпын биатлоны эрэгтэйчүүдийн 7.5 км-ийн спринт уралдаан явагдаж өндөрлөлөө. Энэ төрөлд нийт 99 тамирчин уралдсанаас Францын А.Гай 20:57.7 минутын амжилтаар түрүүлж, Норвегийн Т.Роеслэнд түүнээс 31.8 секунд хоцрон удаалав.

         Манай тамирчин Б.Сүхбат зургаан сум алдаж буудан тэргүүлэгчээс 5:15.9 минут хоцрон 75-д орсон бол Т.Амарсанаа 78-д (+5:43.2), Б.Тэмүүжин 88-д (+7:40.1) тус тус жагслаа. Одоо 13:30 цагаас О.Оюунцолмон, Д.Нямсүрэн, Х.Эрдэнэтунгалаг нар эмэгтэйчүүдийн зургаан км-ийн спринт уралдаанд хурд сорих болно.