Ази тивд анх удаа болж буй залуучуудын өвлийн олимпын III наадам эхлээд дөрөв хонож байгаа ч шинэ шинэ амжилтууд бичигдсээр байна. Өвөл, зуны олимпын наадмыг зохион байгуулж байсан солонгосчууд анх удаа залуучуудын олимпыг авахдаа содон бас бахархам түүхийн гэрч болж байна.

          Тайландын тамирчин Агнэсэ Кампэол эх орондоо өвлийн олимпын медалийг авчирсаныг онцлон мэдээллээ. Цасгүй орноос олимпод оролцож буй улсын тоо эрс нэмэгдсэн ч эхнээсээ шинэ түүх "GANGWON 2024"-д бичигдсээр байна.

         Өвлийн спортын сонирхолтой өрсөлдөөний нэг чарганы (bobsleigh) аваргууд тодорлоо. Чарганы монобоб (monobob) төрлийн эмэгтэйчүүдийн ганцаарчилсан уралдаанд Тайландын тамирчин онцгой байж мөнгөн медалын эзэн болсон юм.

       Энэ зайд Дани улсын тамирчин Маяа Воигт залуучуудын олимпын аварга болж, Румыны Михаэл Алекиа хүрэл медалыг авч Пёнчан хотын олимпын замд шинэ амжилтаа эхлүүллээ. Энэ төрөлд нийт эрхээ аван оролцсон 48 охидоос залуучуудын олимпыг зохион байгуулж буй БНСУ-ын тамирчин Ким Ю Ран долоодугаар байрыг эзэлжээ.

        Чарганы уралдаан нэгдүгээр сарын 22-23-ны хооронд Пёнчан хотын Хэнгэ суман дахь "Alpensia" олимпын замд болсон юм.  Тайландын Засгийн газраас өвлийн спортын олимпын наадмын төрлүүдэд онцгой анхаарч эхнээсээ медальт байрт орж эхлэв.

        Энэ нь сүүлийн жилүүдэд БНСУ-д болсон "Dream" хөтөлбөрийн өвөл, зуны сургалтад тамирчдаа оролцуулсны үр дүн ба залуучуудын олимпын чарганы уралдаанд медальтан тамирчинтай боллоо. Мөн энэ удаагийн наадамд оролцогч тамирчдаас гадна 200 гаруй дунд сургуулийн сурагчид хөтөлбөрт хамрагдаж, "Alpensia" олимпын цасан замд бэлтгэл сургуулилт хийж байгаатай таарч байна.

       Энэ удаагийн наадамд эрхээ авсан Монголын гүйлтийн болон цанын тамирчид Тайландын сурагчдын хамт "Dream" хөтөлбөрт хамрагдаж байсан билээ. Тэгвэл цасгүй орны тайландууд залуучуудын олимпын медальтантай болж, нэгэн бахархалт амжилтыг "Пёнчан 2018" олимпын наадмынн замд бичлээ.