Манай улсын чөлөөт болон сонгомол барилдааны тамирчид Хятадад хамтарсан бэлтгэлд хийж байна. Тус хамтарсан бэлтгэлд Бээжин хотын чөлөөт бөхийн шигшээ болон Өвөх Монголын өөртөө засах орны сонгомол бөхийн шигшээ багийн 50 гаруй тамирчин оролцож байгаа юм.

      Харин манай улсаас МЧБХ-ны дэд ерөнхийлөгч, сонгомол барилдааны шигшээ багийн дасгалжуулагч С. Мөнхсүхээр удирдуулсан 30 гаруй тамирчин хамрагдаж байна. Эзэн орны тамирчдын дийлэнх улсдаа 1-3 түрүүлсэн шигшмэл тамирчид сонгогдсон нь бэлтгэлийн үр өгөөжийг нэмэгдүүлжээ.

     Тус бэлтгэлийг МЧБХ-ны сонгомол бөхийн хөгжил хариуцсан дэд ерөнхийлөгч, Монгол Улсын гавьяат тамирчин Б.Болдын санаачилга, хамтын ажиллагааны хүрээнд хоёр дахь удаагаа зохион байгуулж байгаа бөгөөд хамтарсан бэлтгэл 15 хоног үргэлжилнэ.

.