Итали Улсын Ломбардиа хотод зохион байгуулагдаж буй дэлхийн мастеруудын өвлийн III наадам 2024 оны нэгдүгээр сарын 12-21-ний өдрүүдэд спортын 10 төрлөөр 30 гаруй тэмцээн зохион байгуулагдаж өндөрлөлөө. Тус олимпын наадмаас Хан-Уул дүүргийн Засаг даргын дэргэдэх өсвөр үеийн тэшүүрийн шигшээ багийн дасгалжуулагч ОУХМ Л.Алтанцэцэг шорт трейкийн төрөлд 500 м мөнгө, 1000 м мөнгө, 1500 м мөнгө, гүйлтийн тэшүүрийн төрөлд 500 м хүрэл, 1000 м хүрэл, 1500 м алт нийт зургаан медаль хүртэж 70 насандаа Монгол Улсын тэшүүрийн спортын түүхэнд байхгүй рекорд амжилтыг үзүүлээд байна.