Холбоодын нэгдсэн 2024 УАШТ үргэлжилж байна. Хүндийн өргөлтийн УАШТ-ий эхний өдрийн тэмцээн өндөрлөлөө. Хамгийн сүүлд эрэгтэйчүүдийн 73 кг, эмэгтэйчүүдийн 59 кг-ын медальтнууд тодорсон юм.

         Эрэгтэй 73 кг-ын жинд "Алдар" спорт хорооны тамирчин, ОУХМ Ө.Даваагомбо түрүүлж, улсын хошой аварга боллоо. Тэрбээр 2022 онд УАШТ-ээс мөнгөн медаль хүртэж, өнгөрсөн жил анх удаа аваргалж байв.

           Мөнгөн медалийг Налайх дүүргийн тамирчин, ОУХМ А.Ананд авсан. Тэрбээр өмнө нь насанд хүрэгчдийн УАШТ-ээс дөрвөн мөнгө, дөрвөн хүрэл медаль хүртэж байв.

Эмэгтэйчүүдийн 59 кг-ын жинд хамгийн олон буюу 17 тамирчин өрсөлдөж, ОУХМ, Азийн аваргын мөнгөн медальт Э.Энхтамир улсын аварга цолыг тав дахь удаагаа хүртлээ. Тэрбээр арын тамирчнаасаа 24 кг илүү өргөсөн юм.

Эрэгтэй 67 кг-ын медальтнууд:

Ө.Даваагомбо (Алдар) 242 кг (112+130 кг)

А.Ананд (Налайх) 220 кг (103+117 кг)

Н.Мөнхтогоо (Алдар) 207 кг (94+113 кг)

Эмэгтэй 59 кг-ын медальтнууд:

Э.Энхтамир (Алдар) 172 кг (77+95 кг)

М.Энх-Од (Алдар) 148 кг (64+84 кг)

Б.Марал-Эрдэнэ (Ган спорт клуб) 146 кг (66+80 кг)