Итали Улсад "Ломбарди-2024" мастерсын өвлийн наадмын шайбтай хоккейн тэмцээн үргэлжилж байна. Энэ төрөлд манай улсаас +50 ангилалд "Нормаунтс", "Номадс" багуудын оролцож байгаа.

       Мастерсын өвлийн наадамд оролцож буй “Нормаунт Монгол” баг хэдхэн мөчийн өмнө гурав дахь тоглолтоо АНУ-ын “Дельта-Эйрлайнс жуниор” багтай хийж 10:2-ын харьцаатай ялагдлаа. Гэсэн хэдий ч энэ тэмцээний гадны багийн эсрэг Монголын багийн анхны гоол орсонд баг тамирчид баяртай байна.

        Эхний гоолыг тоглолтын гуравдугаар үед спортын дэд мастер, хамгаалагч Т.Пүрэвсүрэн оруулжээ. Мөн үед багийн довтлогч Ж.Түвшинбаяр амжилттай довтолсноор “Нормаунт Монгол” баг энэ тоглолтыг хоёр гоолтой өндөрлүүллээ.