Итали Улсад "Ломбарди-2024" мастерсын өвлийн наадмын шайбтай хоккейн тэмцээн үргэлжилж байна. Энэ төрөлд манай улсаас +50 ангилалд "Нормаунтс", "Номадс" багуудын оролцож байгаа.

      Өнөөдрийн байдлаар гурван тоглолт хийгээд байна. Шайбтай хоккейн +50 ангилалд Америк, Канад, Монгол гэсэн гурван орны зургаан баг өрсөлдөж байгаа юм.

      Багууд тойргоор тоглох бөгөөд плэй оффын шатанд дөрвөн баг шалгарч, үлдсэн хоёр баг V, VI байрын төлөө тоглоно. Тэмцээний шигшээ тоглолтууд 2024 оны нэгдүгээр сарын 20-ны эхэлж, 21-ний өдөр өндөрлөнө.