Монголын биатлоны холбооны өсвөр, залуучуудын шигшээ баг  Европ тивээс БНСУ-д ирж олимпын тосгонд байрлаж эхлэв. Сүүлийн жилүүдэд олимп, дэлхийн аварга А.Поповыг эгнээндээ багтаасан буудлагын баг эрэгтэй, эмэгтэй тус бур гурав гурван тамирчинтай залуучуудын олимпод ирлээ.

         "Ганвон 2024" олимпын багийн дасгалжуулагчаар буудлагын спортын ОУХМ Ц.Мөнх-Эрдэнэ, гүйлт хариуцсан дасгалжуулагчаар спортын мастер Б.Бат-Эрдэнэ нар ажиллаж байна. Олимпын багт Б. Сүхбат, Б.Тэмүүжин, Т.Амарсанаа, Х.Эрдэнэтунгалаг, О.Оюуцолмон, Д.Нямсүрэн нар багтсан ба Пёнчан хотын "Alpensia" биатлоны талбайд эхний бэлтгэлээ хийлээ.

          Монголын багийн тэмцээн уралдаан нэгдүгээр сарын 20-ны өдөр биатлоны хувийн уралдаанаар эхлэх бол хоёрдугаар сарын 1-ний өдөр гүйлтийн цанын холын зайн уралдаанаар өндөрлөнө. Биатлон болон гүйлтийн цанын тэмцээн Пёнчан хотын Хэнгэ дэх "Alpensia" олимпын биатлоны талбайд болно.