Монголын триатлоны холбооны 20 жилийн ойд зориулсан цуврал арга хэмжээг эхлүүлж, өвлийн триатлоны анхдугаар тэмцээнийг “Мишээл” байгаль орчин, танин мэдэхүйн хүрээлэнд зохион явууллаа.

        Монголын триатлоны холбоо, "Сандагаа багш" цана, дугуйн холбооны хамтран явуулсан анхдугаар тэмцээнд тамирчид нэг км гүйж, хоёр км дугуй жийж, хоёр км цанаар уралдав. Харин хоёрдугаар сарын 24-нд  “Мишээл” байгаль орчин, танин мэдэхүйн хүрээлэнд болох өвлийн триатлоны улсын аварга шалгаруулах тэмцээнд дээрх зайг хоёр дахин нэмэгдүүлэх юм байна.

       Өвлийн триатлоны салхийг хагалсан энэхүү тэмцээнд эрэгтэйчүүдээс "Роүд Монголиа" клубийн Н.Алтаншагай, "Цасан зам"-ын Г.Төгөлдөр, "Роүд Монголиа"-гийн Л.Баярцэнгэл нар тэргүүлжээ. Харин эмэгтэйчүүдээс "Цасан зам" клубийн А.Анхилуун, Б.Халиунаа, Н.Энхжин нар эхний байруудад шалгарсан байна.