Чөлөөт бөхийн 2024 оны УАШТ гурав дахь өдрөө үргэлжилж өндөрлөв. Эрэгтэйчүүдийн 61 кг-д ДАШТ-ий хүрэл медальт, ОУХМ Нармандахын Наранхүү "Төв Арж” клубийн Э.Энхболдыг 10:0-ээр илт илүүрхэн, оноогоор цэвэр ялж, энэ жинд итгэлтэй түрүүллээ. Энэ нь түүний хоёр дахь улсын аваргын түрүү юм.

          Э.Энхболдын хувьд, УАШТ-ээс хоёр жил дараалан хүрэл медаль авсны эцэст өнөө жил амжилтаа ахиулж, үзүүрлэж чадлаа. Энэ жингийн хүрэл медалийг “Төгс” клубийн Г.Батнасан, А.Даваадорж нар хүртлээ. УАШТ-д анх удаа орж буй 18 настай А.Даваадоржийн хувьд “Аваргууд академи”-ийн Н.Ганцоожид 2:1-ээр хожигдож явсан ч цаг дуусахтай уралдан бүхэл дөрвөн оноогоор унагаж, гайхалтай ялалт байгуулсан юм.